رواية انت زوجي بقلم ميروال
المحتويات
ناكل على سفرة وحدة و نسهر كمان و المدام كمان تيجي معاك
ماشي يا مصطفى... توصلوا بالسلامة
سلام
سلموا عليه و خرجوا... آسر كان على وشه انبساط مش طبيعي
والله بحبهم و كنت عارف انهم طيبين... انا لو اعرف ان العملية هتخلينا نتصالح كنت عملتها من زمان
المية رجعت لمجاريها اهو... بس انتوا ليه اتخاصمتوا من الأول اصلا
الحمد لله... بقولك ما تروحي تشوفي الدكتور ده هيعمل الأشعة امتى لأني زهقت و عايز ارجع البيت و مش بحب جو المستشفيات ده
حاضر
خرجت و قولت للدكتور... و بعد شوية اخدوه غرفة الأشعة و عملوا الأشعة على المخ... و الحمد لله نتيجة الأشعة بتقول ان مفيش حاجة و آسر كويس... و تاني يوم آسر خرج من المستشفى و رجعنا البيت... ناس كتير جات زارته في البيت و الاغلبية كانوا شباب و البنات يتعدوا على الصوابع... مش عارفة ازاي شكيت فيه قبل كده... بس نقول ايه ده غباء مني... بعد شهر بالظبط آسر فك الربطة اللي على رأسه و الغرز بدأ يختفي آثارها و مع مرور الأيام شعره طول زي ما كان... كل الأيام اللي مرت عليا اثبتتلي اد ايه انا بحب آسر و هو بيحبني... و آسر ده كنز ليا... صح... انا بقا ليا صديقة اخيرا... نوران خطيبة قاسم... حبيتها اوي و اتقربنا من بعض و بقينا اعز صحاب و بنخرج مع بعض و نتكلم... حياتي بقت جميلة بوجود آسر و عيلته...
يا رنا انا مقدر كويس إنك عجبك الفستان اللي جبتهولك... بس انتي بقالك ساعتين جوه بتلبسي فيه... ما تخلصي انا بقيت شبه المخللة اللي واقفة من الصبح هنا
الاميرة خلصت... ادخلها
يااااه... تتحسد ان هي خلصت...
دخل آسر و لما
شافني فتح بوقه مرتين... كنت واقفة مكسوفة شوية... قرب مني و بصلي من فوق ل تحت و قال
اوعاا... لا اوعااا بجد... تستاهلي الساعتين اللي وقفتهم بره... يخربيت جمالك... انتي ازاي بيليق عليكي كل حاجة كده
لا بالعكس ده حلو اوي... بس الفستان خطېر اووي عليكي
ضحكت بكسوف و قال
بقولك ايه... احنا خلينا هنا احسن... عايزك في موضوع مهم جدا
و الفرح
مش مهم... ابقا قولهم وقعت على رجلي و اتكسرت و مقدرتش اجي
انت بتهزر يا آسر ده انا و نوران بقالنا اكتر من خمس ساعات بنستعد... و بعد كل ده تقول منروحش
قدامي يا آسر اتحرك يلاااا
طيب يا بومة
نزلنا تحت... لقينا قاسم بيبص بتوهان ل نوران و ركبت العربية معاها... آسر قرب منه و قال في ودنه
ما تلم نفسك يا برو... نظراتك ليها ڤضحاك اوي
قاسم فاق و قاله
هو انا باين عليا اوي كده
اه والله... حتى عم عبد الرحمن البواب لاحظ انك مغرم بيها
بقولها نتجوز دلوقتي بس مش موافقة
ليه
مستنية اخوها يرجع من السفر عشان نعمل الفرح في وجوده
عندها حق... اصبر شوية انت بس
بقولك عايز اجبلها هدية و كل الأفكار اللي في دماغي عملتها و معنديش فكرة جديدة... ساعدني شوية
اممم... لحظة افكر...
عندي فكرة... اشتريلها ورد
جبتلها قبل كده
خليني اكمل الأول يا غبي... انت تشتريلها ورد من النوع اللي بتحبه... و تكتبلها رسالة فيها كلام يكون من قلبك زي نظراتك دي و تحط الورقة جوه البوكية... و احنا في القاعة تبعت البوكية مع حد يديهولها و انت تستخبى... و لما تشوف الورد و تقرأ الرسالة قلبها هيطير... هتقلب عليك القاعة كلها عشان تلاقيك... و لما تلاقيك هتبصلك بنفس النظرة اللي انت بتبصلها بيها دي... و بعد كده تاخدها تاكلوا آيس كريم و تتكلموا... و ترجعها البيت... اوعوا تتأخروا بره بدل ما اكسر رجلك
والله عجبتني دماغك... هنا عرفت ليه رنا بتقلب عليك الدنيا لما
متابعة القراءة
