رواية انجاني حبها من كل المخاطر
المحتويات
للمره ال معرفش عددها خلت عيني تلمع تطلع قلوب خلت قلبي يرفرف يقفد اتزانه فتنتني فتنت زوجها ومفيش اجمل من كده فتنه فتنه ف الحلال فوقت ع صوت ام طه وهي بتحرك ايديها قدام وشي عشان اخد بالي منهاا هي قامت من جمبها امتي أصلا مش وقته
_ مبارك ي يوسف ي بني
_ خلي بالك من مريم
ف عيني ي طنط والله
_ الله يسعدكوا ي بني انا هستاذن انا تصبحوا ع خير
مشت وانا لا اراردي لقتني بتحرك عشان اروحلها قربت وهي مازالت مش بصالي بس انا مازلت مبحلق فيها قعدت ع الكرسي ال قدامها وانا ساكت مستنيها تتكلم
لا وطي رأسك تاني أحسن
ردت بعدم فهم _ نعم
احم.. معلش كنت بتقولي اي
_ بقولك ازاي المأذون كتب الكتاب ببطاقتك
ومالها بطاقتي يعني
_ أسمك ديانتك دول عادي
اها اي هو اي ال اها
اتكلمت بغيظ منها ومن برودها
طيب اي مش عايزه تقولي حاجه
اتكلمت ببسمه بلهاء وانا متخيل هتقول بقا أنها بتحبني ونعيش ف تبات ونبات ونخلف بنات بس شكلها كده
طب قولي
اتكلمت ببرود مستفز خلاني عايز اشد ف شعري
_ انا متشكره لل عملته معايا النهارده مش عارفه من غير جدعنتك كنت هعمل اي ولا هتصرف ازاي مع عمتي بس جميلك ده فوق راسي وان شاء الله ف يوم من الأيام ارده وانا ان شاء الله مش هأثر ع حياتك
أسماء ال بتهزر معاك ف المحاضره
_ تمام
والله ي بنتى كنت ناوي اقولك انى بحبك ونبدأ من الأول سوا واحببك فيا لو مش بتحبيني إنما بما انك بتصدقي من غير م تصارحيني فأنا وانتى والايام طويله ي ست مريم
_ طب قومي يلا
اتكلمت باستغراب اقوم فين
اتكلمت پخوف لا انا مش هخرج من هنا
_ ده ع أساس انك انتى الراجل فهنعيش ف شقتك
مش كده بس انا مش عاوزه اسيب هنا
_ ولما اعمامك يجو هنقولهم اي
هاا.. هنقولهم اي حاجه
رديت بعصبيه خفيفه _ وانا قولت يلا ي مريم
قربت عليها _ خاېفه مني ي مريم
خاېفه احس بالغربه
قربت اكتر _ هتحسي بالغربه معايا ي مريم
بكت خاېفه
رديت بصرامه بسيطه بعد م كنت خلاص هلين واسيبها براحتها بس لا كده مش حقق اي حاجه من ال انا عايزها فحاولت اشد عليها وانا بتكلم
_ طب يلا ي مريم مټخافيش
اتكلمت برجاء ي يوسف..
زعقت_ انا قولت يلا
دمعت پخوف وقامت
ع عيني دموعها والله بس عشان تشوفني لازم تخرج بره دايره البيت لازم تخرج برا الأمان ال هي فارضاه لنفسها لازم تجرب محيط تاني محيط ابقي انا وهي بس فيه بعيدا عن محيطها لازم تحس بالأمان
_ انا هنام فين
هنا ف الاوضه دي
اتكلمت بحذر _ وانت
_ ف نفس الاوضه
عيطت بالله عليك ي يوسف كفايه كده انا عايزه ابقى لوحدي بالله عليك
محبتش اضغط عليها اكتر من كده كفايه ال حصل وال لسه ملحقتش تستوعبه
_ ماشي ي مريم الاوضه ال تريحك نامي فيهاا
هديت تمام شكرا
دخلت تنام وانا دخلت وانا بفكر هعمل اي الأيام الجايه عشان نوصل لقلب ست مريم
دخلت تنام وانا دخلت ممكن اعمل اي عشان اخليها تحبني او ممكن اعمل اي عشان احسسها بالأمان معاياا وسط البيت هنا بعيدا عن بيت اهلها
غيرت هدومي وقومت عشان اصلي قيام الليل زي م اتعودت من الشيخ محمد قيام الليل ال أصبحت هي دعوتي
متابعة القراءة
